Ако понекогаш ви се чини дека сите ваши пријатели си го слават роденденот во исто време, може и да не грешите...

Според сајтот "Дејли бист", најмногу бебиња се зачнуваат во периодот меѓу Божиќ и Нова година. А најчест роденден во САД е 16 септември - девет месеци по празничните веселби на крајот од годината. Поради доброто расположение и бескрајната низа на забави, најмногу секс има токму во овој период на годината, открија научниците од универзитет во Тексас.

Сезоната и температурата исто така играат важна улога во одредување на сексуалниот апетит. Не треба да се заборави дека долгите студени денови ги принудуваат паровите да останат дома подолго време, при што забавите надвор од спалната се минимални.

Трговците исто така на свој начин ја предвидуваат зголемената сексуална активност меѓу Божиќ и Нова година. Во декември по правило се дуплира продажбата на кондоми. Овој период се поврзува со многу повеќе можности за социјално вмрежување и е силен контраст со август, кога најмалку се зачнува.

Зошто студеното време повеќе ни ја зголемува желбата за секс?

Од чисто биолошки причини, за подобра генерација. Според научниците во Тексас, квалитетот на семената течност кај мажите се намалува во летната сезона. И покрај многуте голи тела во август и бескрајните забави до зори, во пракса топлината и влагата ја намалуваат сексуалната желба.