Во Виена е отворено првото меѓународно училиште за секс. Една година чини околу 2.000 евра...

Првото училиште за применета сексуалност е отворено во Виена, а директорката Џива Мари Томсон рекла дека наставната програма ќе се базира на праксата, а не на теоријата.

"Целта е секој кога ќе го заврши училиштето да стане добар љубовник. Студентите ќе имаат теоретски предавања, но всушност ќе ја усовршуваат праксата. Во програмата се анатомија, техники за заведување и водење љубов, сексуални пози итн", рекла таа.

Студентите постари од 16 години, кои ќе искешираат по 2000 евра на година ќе живеат во посебен дом, каде нема да бидат поделени на машки и женски соби, туку ќе можат слободно да вежбаат за испитите.

Австриската влада веќе ја забрани рекламата за ова училиште, на која, се разбира, имало пар кој води љубов.