Медитацијата во текот на годините стана популарна пракса во борба против стресот, фален метод за постигнување на ментална благосостојба. Но, тоа не е само облик на релаксација, туку исто така може да ви го подобри и сексуалниот живот.

Американските научници од универзитетот Браун спровеле истражување во кое учествувале 44 студенти, 30 девојки и 14 дечки, кои во временски период од 12 недели оделе на курс по медитација.

На учесниците потоа им е прикажувана серија фотографии со еротска содржина, а од нив се очекувало да опишат како се чувствувале бирајќи меѓу опциите „смирено“, „вознемирено“ и „возбудено“. Излегло дека девојките кои оделе на курсот по медитација побрзо реагирале и го регистрирале сексуалното возбудување, од оние од контролната група.

Подобрувањето било посебно воочиливо кај девојките кои на почетокот на истражувањето изјавиле дека се толку несигурни во себе, што тоа го загрозува нивниот сексуален живот. За време на тримесечниот курс по медитација, тие добиле повеќе самодоверба, подобро се чувствувале во сопствената кожа и со самото тоа повеќе уживале во сексот.