Спротивно на усвоеното мислење дека жените се поромантичниот пол, анкета тврди дека мажите се оние кои први ја споделуваат љубовта...

Освен тоа што посилната полвина прв ќе ги каже магичните зборови "те сакам", тие дури побрзо се вљубуваат во својата партнерка. Според истражувањето на Пенсилванскиот универзитет на мажите им се потребни само неколку недели за да се вљубат, а на жените им се потребни најмалку два месеци.

"Резултатите од истражувањето покажуваат дека жените се повнимателни од мажите, кога треба да се кажат романтични зборови", вели психологот Мариса Харисон која учествувала во истражувањето.

Но таму каде што има љубов има и страст. Сексуалната желба е и една од причините поради кои мажите побрзо се вљубуваат. Повеќето од нив по неколку недели сакаат секс, додека жените сакаат да почекаат подолго време.

"Можеби мажите се вљубуваат побрзо, затоа што љубовта се изедначува со сексуалната желба. Во овој поглед сигурно уште многу може да се дискутира", прецизира професорот Харисон.