Луѓето над 55 години се првенци во флертување за време на одмор, пишува весникот Дејли Експрес, повикувајќи се на резултатите од истражувањето направено во Велика Британија...

Податоците од анкетата покажуваат дека двајца од пет испитаници ја откриле љубовта, додека патувале.

Возрасните британци забораваат на претпазливоста кога се на одмор - 56% од нив признаваат дека промената на ситуацијата ги тера да се чувствуваат ослободени. Околу 60% од нив сметаат дека флертот на туѓо место е прифатливо.

Изненадувачки е тоа што околу една петтина од британците на возраст над 55 години признаваат за повеќе од една романтична приказна за време на одмор.

Истражувањето покажува дека 15% од возрасните не ја откриваат вистината за брачната положба кога се на патување. За да избегнат идно врзување, 28% лажат за тоа во кој хотел престојувале.

Авторите на студијата утврдиле дека помалку од шест проценти од авантурите на одмор водат до нешто трајно.