Мажите кои се загрижени поради финансиската ситуација и можноста да останат без работа во кризни времиња, често ги изневеруваат своите партнерки, покажуваат нови истражувања...

Кога луѓето се чувствуваат загрозени, како во време на криза, нагонот за опстанок се зголемува, а расте и потребата за ширење на сопствените гени, па мажот може да бара повеќе парнерки. За време на еволуцијата тоа бил одговорот на природата за време на глад и недостатоците.

Психолозите од универзитетот во Канзас заклучиле дека мажите силно реагираат на потенцијалните опасности кои донесуваат рецесија поради стравот од губењето на работата и тоа што можеби нема да можат да го прехранат своето семејство.

Експериментот бил спроведен од страна на истражувачите и е прилично едноставен: една група испитаници била замолена да размисли за смртта, што всушност го симболизирало стравот од губење на работните места, домовите и финансиската сигурност, а другата група била замолена да размисли за одење на забар, што исто така го доживуваме како непријатност, но во овој контекст прилично безопасен. Во овој случај, стравот од губењето на работата бил современ облик на примарен страв од смртта.

И двете групи на пациенти по тоа гледале филмови и фотки со порнографска содржина. Резултатите покажале, многу поинтензивна возбуда кај мажите кои претходно размислувале за смртта.

Научниците заклучиле дека мажите поради стравот се свртуваат кон сексуалната страна на својата природа, што како резултат има раст на либидото.

Ако сте маж и размислувате за својата смрт, природата во вас ги направила нештата така што во вас да се појави нагон да оставите што повеќе потомци, заклучиле психолозите. Сепак, таквото толкување неможе да биде оправдување за изневерувањето, бидејќи еволуцијата не научила и да ги контролираме сопствените нагони.