Koнстатацијата дека жените немаат ништо против мажите со прекумерна тежина, додека се богати, не е особено изненадувачка...

Но американски економист создаде формула за тоа колку повеќе пари треба да спечали еден маж за секој дополнителен килограм на телото, ако сака да продолжи да ги привлекува дамите како порано.

Економистот од универзитетот Колумбија, Пјер Андре Капори утврдил дека за секои 10% од зголемувањето на индексот на тежината, неженетите мажи треба да ја зголемат платата за 2%, за да продолжат да одржуваат врска со партнерки од истата класа.

Така маж со висина од 1.82 цм и тежина 81 кг, кој заработува 100 илјади долари годишно, треба да добие зголемување на платата на 102 илјади долари, ако ја зголеми тежината за 9 кг.

Истиот научник утврдил дека жените можат да ги неутрализираат последиците од зголемувањето на тежината, ако партнерката добие повисок образовен степен.

Според истражувањето, неженетите луѓе ја користат физичката и социо-економската привлечност како главен критериум кога бараат партнер.

Според професорот Капори, други фактори како чувството за хумор се помалку важни во случајот.

Истражување на 667 американски двојки покажало дека мажите, како и жените сакаат витки и богати сопружници, отколку сиромашни и со прекумерна тежина.