Ако сте слободна и уште трагате по принцот на бел коњ, запрашајте се дали можеби за тоа се виновни некои ваши постапки? Многу жени во забрзаното темпо во кое живееме немаат многу време за излегувања и нови познанства, но ако сепак сте одлучиле да тргнете во лов, преиспитајте ги своите навики затоа што можеби проблемот се крие токму во нив...

1. Машко друштво

Ако сакате машко друштво и поголемиот број излегувања ги поминувате опкружени токму со бројни пријатели, морате да бидете свесни дека ретко кој маж ќе биде толку слободен и ќе го направи првиот чекор, затоа што гледано низ неговите очи, можеби некој од оние со кои се забавувате е ваш дечко.

2. Премногу провокативна и секси облека

Иако секси облеката е вистинска мамка за мажи, немојте да претерувате, посебно ако сакате нешто повеќе од еднодевен флерт. Исто така, таквиот изглед може во мажот кој сака да ви пријде да создаде страв од недостижно.

3. Негативна енергија

Колку пати ви се случило на наговор на пријателката да излезете на состанок и одвај да го дочекате враќањето дома? Токму таквата негативна енергија ги одбива мажите.

4. Прстен

Ако барате забава, претпоставуваме дека не сте верени или во брак. Токму поради тоа, чувајте се од прстени кои потсетуваат на венчални или веренички. Таков прстен на вашата рака може да праќа погрешни сигнали на потенцијалните додворувачи.

5. Забрзана пчелка

Ако планирате излегување, заборавете на важните телефонски повици, проверување на мејловите или нервозно пишување пораки. Мали се шансите да го запознаете идниот партнер ако постојано изгледате зафатено. Опуштете се и искористете го добриот помин за нови познанства.