Жените не ги забораваат мажите со длабок глас толку лесно, а тоа им дава блага предност во заведувањето, во однос со припадниците на посилниот пол кои неможат да се пофалат со машка боја на гласот...

Длабокиот машки глас жените подолго го памтат, а бојата на гласот има значајна улога во заведувањето, покажале резултатите од истражувањето кое го спровеле научниците од универзитетот во Абердин.

Жените се исклучително чувствителни на висината на тонот и тоа одлично го памтат, а ниските тонови оставаат посилен впечаток. Врз основа на тоа понекогаш во секундата го проценуваат и мажот за кој се заинтересирано, во зависност од тоа дали гласот му е маженствен или не.

Психолозите спровеле два експерименти. Во првиот учествувале 45 жени, а на испитаниците биле прикажувани слики од мажи, пропратени со звучен запис, име на личноста од сликата, и дали бил изговорен висок или низок тон.

Потоа им биле прикажувани фотографии со слични ликови, а од нив се очекувало ја препознаат онаа личност која порано им била покажана. За покажало дека жените подобро памтат ликови со слики од кои името било изговорено со длабок глас. Исто така, требало да кажат кој глас повеќе им се допаѓа.

"Резултатите кои ги добивме покажаа дека жените обраќаат повеќе внимание на мажи со длабок глас и подобро памтат", вели Дејвид Смит кој бил шеф на истражувачкиот тим.

Научниците велат дека за тоа е одговорна генетиката. На жените им е важна длабочината на гласот за време на изборот на партнер, бидејќи им помага да го проценат неговиот генетски "материјал".