Понекогаш интимниот однос ве прави да се чувствувате многу непријатно...

Во комбинација со перманентно лошо расположение и недостаток на самодоверба, овој проблем зборува за ниско либидо. Кај многу луѓе тие пречки се појавуват на одредена етапа од животот, а причините можат да бидат како психички, така и физички.

За да го неутрализирате овој проблем што е можно побрзо, добро е да ги следите следниве совети.

1. Намалете алкохолот - еден пијалок е во состојба да го елиминира секојдневниот стрес, да ве опушти и да бидете подложни на сексуални активности. Но кога сте претерале со алкохолот, ефектот е спротивен.

2. Доверете се на афродизијаците - конзумацијата на одредени стимуланси е позната практика. Денес тие се здружуваат со името афродизијаци и се препорачуваат за подобри сексуални искуства. Најпрепорачливи се афродизијаци богати со калиум, калциум, фосфор, како и витамините А и Е, остриги, банани, чоколадо.

3. Заборавете на цигарите - еден од главните негативни ефекти од пушењето се поврзува со тоа што го намалува дотокот на крв во органите на половиот систем. Друг негативен ефект од употребата на цигари, како одраз врз либидото, се однесува на намалената издржливост и енергија на пушачите. Ако пак партнерот е непушач, мирисот на цигари може да го одбие.

4. Тренирајте редовно - физичките активности обезбедуваат прилив на доволно количество крв во половите органи, освен тоа ја подобруваат самодовербата, издржливоста и здравствената состојба.

5. Намалете го вишокот на килограми - одамна се знае дека зголемената тежина е непријател на сексот. Освен што ја зголемува самодовербата и почитта кон сопственото тело, слабеењето гарантира бодрост, издржливост и желба за сексуална активност.