Дури и од расправиите со партнерот можете да „извлечете“ нешто позитивно. Погледнете како расправиите да ги направите конструктивни и да направите нешто добро за вашата врска...
Размислете за што сте се расправале последен пат. Обидете се да се присетите во кој момент вашите емоции целосно ве превладееле така што разумен и конструктивен разговор повеќе не бил возможен. Дали вашиот партнер рекол или направил нешто што ја предизвикало таквата состојба кај вас?
Обидете се да се сетите на вашата прва расправија. Затоа што првата расправија е некој вид мала пресвртница во врската, поголемиот број луѓе можат да се сетат како настанала. Ако вие спаѓате во оние парови кои „никогаш не се расправаат“, обидете се да се сетите кога и поради што прв пат сте се разочарале. Немојте да се фокусирате на детали, идејата е да се обидете да го препознаете образецот на однесување (и сопственото и она на партнерот). Дали гледате некакви сличности во чувствата кои се јавуваат во врска со тоа?
Кога ќе размислите за тоа и ќе се присетите на расправиите од минатото, можеби ќе ви биде потребно малку време за да се навикнете на нов начин на реагирање во такви ситуации и да создадете нов образец на однесување. Сепак, бидете трпеливи и анализирајте го сопственото однесување, понекогаш можете многу да научите од сопствените грешки.
Кога ќе ги сознаете сопствените чувства, бидете подготвени да разговарате со партнерот. Сослушајте ја и другата „страна“ на приказната, прашајте како тој се чуствува и обидете се да имате разбирање дури и ако вие мислите поинаку. Немојте ниту во еден момент да заборавите дека разговарате со личноста која ја сакате (дури и кога не се согласувате со нејзиното мислење).
Следниот пат кога ќе се случи да се скарате, обидете се да броите до десет, вдишете длабоко и сетете се што сте научиле размислувајќи за претходните искуства. И секој следен пат ќе ви биде полесно да избегнувате жестоки расправии во кои луѓето често ги кажуваат работите кои не ги мислат. Дури и на оние кои ги сакаат најмногу на светот.
