Добри или лоши, љубезни или безобразни, типови на момци има навистина многу, но се чини дека на многу жени им се допаѓа еден посебен тип: оние недостапните момци. Понекогаш во почетокот не забележуваат дека им се допаѓа токму таков, недостапен фраер, а кога ќе се впуштат во флерт или врска станува касно. Ако сакаш да се држиш настрана од недостапни фраери, овие неколку типови на момци се нешто што треба да го избегнуваш...
Лошо момче
Од сите типови на момци, лошото момче е најпопуларно. Има нешто неодоливо во типот за кој знаеме дека не е добар за нас, затоа жените на нив одат како пчели на мед. Некои дечки всушност не се лоши момчиња, а нивниот став е само фасада која лесно може да се пробие, но ако типот кој ти се допаѓа постојано е ладен и никогаш не сака да зборува со тебе, време е да пронајдеш некој подобар тип.
Оженет маж
Жените кои се во врска со оженет маж секогаш имаат некаков изговор: не е среќен, тој е оној кој мами, а не јас и слично, но факт е дека ништо од тоа не е важно. Тој веројатно нема да ја остави жена му, а ти треба да се запрашаш дали сакаш да бидеш одговорна за пропаст на нечиј брак. Постои и можност ти да му служиш само како доказ дека уште им е привлечен на жените. Во секој случај, оженетиот маж е недостапен тип кој мораш да го избегнуваш.
Дечко на далечина
Не велиме дека врските на далечина не функционират, затоа што постојат примери во кои љубовта ги надминува и најголемите километражи меѓу вас, но оддалеченоста може да ја направи врската многу тешка, и ќе го извлече најлошото од твојот дечко. Ако ти си таа која постојано се обидува, а тој не покажува никаква намера да се видите што е можно побрзо, време е да размислиш колку ти значи врската и колку ти му значиш нему.
Физички е овде, емоционално кој знае каде
Врската на далечина е многу полесна од врска во која партнерот е физички покрај тебе, а емоционално сосема далеку. Можеш да се обидуваш до бесвест, но ако твојот дечко одлучил пред себе да постави ѕид, нема да можеш да го срушиш, а љубовта никогаш нема да го постигне својот целосен потенцијал - затоа што тој нема да дозволи.
Алергичен е на врзување
Да бидеш врзан за некој може да биде страшно, но со тек на време станува природно. Ако си долго во врска со тип кој едноставно не сака да преземе чекори за поставување на врската на повисоко ниво, тој веројатно се плаши од врзување, а ти треба да се запрашаш дали си подготвена некого да тераш на нешто што очигледно не го сака.
Тип за една вечер
Овој тип сака да лови, а кога ќе го добие тоа што го сакал, повторно му се буди желбата за лов, но ти нема повеќе да бидеш пленот. Освен што ваквото однесување е опасно од здравствени причини, емоционално е исцрпувачки, а сигурни сме дека не сакаш да бидеш само уште една на листата девојки со кои може да се пофали на кафе со пријателите.
Непостојан дечко
Најлош вид на тип е токму тој кој е непостојан. Не доаѓа на состанокот, не сака да се врзува и не му е гајле. Тој е комбинација од сите наведени типови до сега, и ако потајно се надеваш дека ќе го промениш, биди сигурна дека нема да го промениш. Дури и ако успееш на кратко, брзо ќе се врати на своето старо однесување, а ти ќе останеш повредена.
