Кога станува збор за секс, мажите се многу поедноставни суштества кои знаат што сакаат и што ги доведува до возбудување. Но, исто така постојат ситници кои тие би сакале жените да ги знаат кога се со нив во сексуална прегратка, но тоа често не сакаат да им го признаат. Дознајте што мажите не сакаат во сексот...

Секс под прекривач

Многу често жените поради комплексот за својот изглед избегнуваат отворени сцени во сексот во кои нивното тело е целосно изложено, па многу често го користат прекривачот како заштита. Не правете проблеми каде што не им е местото, затоа што мажот сака да види женско тело без разлика на неговите маани. Никој не е совршен, а ним им е тешко да и одолеат на женската силуета.

Лажен оргазам

Нема ништо повозбудливо од тоа кога партнерите произведуваат сензуални звуци за време на сексот, но кога страствените стенкања ќе преминат во лажни крици, резултатот е контрапродуктивен. Не претерувајте со вештачките емоции, затоа што лесно е да се препознаат, а мажите никако не ги сакаат затоа што за нив се малку навредливи. Бидете природни.

Пасивност

Иако припадниците на посилниот пол сакаат да владеат со ситуацијата и да доминираат во сексуалните игри, тие обожаваат и кога жената точно ќе им го покаже начинот на кој сака да ја допираат. Не чекајте да погоди што точно ви одговара, затоа што можеби ќе морате да се начекате, туку од време на време преземете иницијатива и покажете му што можете. Ќе ви биде благодарен.

Романтични изговори

Сексот е уживање за кое не се потребни зборови. Иако секси воздишките и страствените и спонтани „валкани“ разговори можат да ја распламтат страста, нежните љубовни изјави како „Кажи ми колку ме сакаш“ чувајте ги за друга прилика. За време на жешкото водење љубов, оставете го да се сосредоточи на страствената акција.