Истражувањето покажало дека припадничките на поубавиот пол се оние кои почесто запаѓаат во љубовни триаголници. Веруваат дека истовремено е можно да сакаат два мажи, а дури 18% од врските кои вклучуваат три луѓе се започнати преку Фејсбук и Твитер...

Едно спроведено истражување покажало дека жените се посклони кон љубовен триаголник од мажите. 23% од нив признале дека се нашле во таа често замрсена ситуација поради која знаеле да се откажуваат и од веридба и од брак, додека дури само 18% од мажите се нашле во љубовен триаголник со две жени.

Во модерно време кога најмногу се комуницира преку Фејсбук и Твитер, дури 18% од љубовните триаголници се започнати со лајкови и пораки токму на тие социјални мрежи.

Истражувањето спроведено на 2 илијади испитаници покажало дека во замрсените љубовни ситуации најчесто се наоѓаат оние кои добро заработуваат, дури 42% од нив, додека оние со помала плата сепак се верни на само еден партнер. Тоа е доказ дека љубовта не доаѓа преку паричникот.

Повеќе од половина од испитаниците веруваат дека одеднаш можеш да бидеш вљубен во две личности. И додека мажите на неверство ги тера похотата и шансата, жените се оние кои имаат многу покомплексен поглед на односот со спротивниот пол и често се наоѓаат растргнати меѓу двајца мажи.

Припадничките на поубавиот пол се наоѓаат во љубовен триаголник меѓу непредвидлив и секси фраер и нежен и верен маж, а виновници за тоа се и ликовите како Ејден од филмот „Сексот и градот“ на кој не можеше да одолее ни главната хероина, Кери Бредшо.