Секојдневно околу себе гледаме се повеќе лоши врски и бракови. Луѓето имаат различни причини поради кои не скаат да го раскинат таквиот однос и кои им се чинат за доволно добри да продолжат така да живеат, но кога станува збор за вистинска среќа, никој не би требало да се задоволи со доволно добро...

Ниту една љубовна врска не е совршена, но сето тоа што сочинува би требало одлично да функционира ако сакаме да бидеме целосно задоволни.

Неуспехот на врската или бракот е многу стресен и бара животна промена, но со тек на време работите повторно ќе си дојдат на свое место и не заборавајте - ќе запознаете некој друг. Имајте на ум дека ниту една од следните пет причини не е доволно добра за да не го прекинете односот кој вас не ве прави целосно среќни.

1. Се плашите од осаменост

Да се биде сам не е ни прилично ужасно како да се биде во лоша врска. Ќе наидете на некој друг поради кој ќе се чувствувате така како што би требало да се чувствувате во врска. А и да не запознаете некој веднаш, не очајувајте. Посветете се на себе и на работите кои од секогаш сте сакале да ги направите, но досега не сте имале шанса.

2. Вашето семејство не верува во развод

Не може се во животот да излезе така како што ние сме замислувале, без разлика дали станува збор за брак, работа или нешто друго. Затоа не е срамно ако бракот не успее. Разводот е болен и разочарувачки, но вие морате да го направите тоа што е најдобро за вас.

3. Останувате заедно поради децата

Децата се неверојатно проникливи, па кога-тогаш ќе сфатат дека сте останале заедно поради нив, а не еден за друг. Размислете каков пример им давате на тој начин затоа што ќе пораснат со уверување дека таквите врски се нормални.

4. Сакате да го задржите имотот

Парите, недвижнините и другите материјални добра можат да ве усреќат, но само на кратко. Никакви работи што ги поседувате нема да ви помогнат да се чувствувате подобро ако со личноста со која сте во врска не сте среќни. Доколку сами не можете да се договорите околу поделбата на имотот, постојат професионалци и адвокати кои ќе ви помогнат со тоа.

5. Чувствувате вина

Без разлика дали ќе одлучите да ја прекинете врската или да останете во неа, ќе чувствувате вина. Ако прекинете можете да се чувствувате виновни затоа што се уште ја сакате таа личност, но не доволно за врската да успее, а ако останете во врска, ќе чувстувате вина поради тоа што знаете дека не сте искрени кон партнерот. Ако сте се обидувале со се што можете и сте дале се од себе, но и понатаму не оди, можеби најдобрата одлука која можете да ја донесете е да се разминете и да се обидете среќата да си ја најдете со некој друг.