Мислите дека високите штикли и убиственото деколте е се што е потребно за дечкото да се запали за девојката? Без сомнение, и тоа се адути на кои ниту еден маж нема да остане рамнодушен, но постојат и некои други, помалку предвидливи работи кои го возбудуваат посилниот пол и тоа до даска...

Невообичаените фетиши не се само мит, а дека на нив „паѓаат“ мажи насекаде околу нас потврдија и седум анонимни машки личности кои искрено споделија што ги пали повеќе од цветен кармин или тесна мини сукна.

„Многу ми е секси кога мојата девојка не ја симнува шминката до крај и се разбудува со црни дамки под очите. Тоа и дава заводлив, мистичен изглед.“ (Ј. 26 годишен)

„Сакам кога мојата вереница за време на сексот ми ја стави раката на уста затоа што зборувам или стенкам прегласно. Тоа уште повеќе ме возбудува. Мило ми е што знае што сака или не сака и не и е проблем тоа да ми го стави до знаење.“ (Т. 23 годишен)

„Супер е кога девојката внимава на својот изглед, но плочките на стомакот можат да бидат помалку застрашувачки. Мекиот стомак ме пали многу повеќе, затоа што е поженствен.“ (С. 24 годишен)

„Бев во врска со жена која беше прилично конзервативна, но понекогаш ќе ме изненадеше со лажна тетоважа на некое скриено место која морав да ја најдам или ќе ставеше розеви екстензии во косата. Тоа ме излудуваше! Се чувствував како да одам во кревет со сосема различна личност.“ (Д. 31 годишен)

„Обожавам кога мојата девојка ќе дојде дома право од теретана. Таа мисли дека изгледа грозно, но нејзиното испотено тело и неуредната коса мене страшно ме излудуваат!“ (А. 25 годишен)

„Не постои ништо посекси отколку жена која се смее за време на сексот, затоа што тогаш знам дека и е забавно. Ниту еден маж не сака девојка која постојано е сериозна.“ (М. 28 годишен)

„Жената со капа е неверојатно секси! Баш затоа што тоа е традиционално машки додаток, а на девојките им дава посебен спортски тон и кул изглед.“ (Р. 23 годишен)