Погледнете како науката го објаснува феноменот на сексуална привлечност...

Истражувањата покажале дека мажите кои жените ги доживеваат како атрактивни, имаат ниско ниво на маркер на оксидативен стрес, пишува британскиот Independent.

За време на истражувањата, научниците зеле во обѕир два параметри: мерките кои влијаат на симетријата на телоот и нивото на оксидативен стрес на испитаниците. Излегло дека жените ги привлекуваат мажите кои имаат ниско ниво на оксидативен стрес, како и тие чие лице и тело ги задоволуваат законите за симетрија.

Оксидативниот стрес настанува кога телото на може да ја совлада продукцијата на слободни радикали, а до тоа доаѓа поради недестаток на антиоксиданси.

Што се однесува до пожелната симетрија на телото, се покажало, судејќи според резултатите од истражувањето спроведено на универзитетот Калифорнија, дека идеалниот индекс на телесна маса за жените е 20,85. Индексот на телесна маса меѓу 20,5 и 21 мажите го доживуваат како симбол за добро здравје и одговарачки репродуктивен потенцијал.

Должината на нозете исто така влијае на степенот на привлечност, но овде јасно се гледа разликата меѓу половите. Пожелно е жената да има што подолги нозе, но кога станува збор за мажите, идеално е нозете и торзото да бидат со еднаква должина.

И лузните се секси, барем за жените. Мажите кои на лицето имаат лузни кои изгледаат како да се последица од физичка пресметка, им се попривлечни на жените, посебно на првиот состанок, покажале резултатите од истражувањето спроведено на универзитетот во Ливерпул.

Исто така, не привлекуваат личности кои се однесуваат алтруистички, кои не се себични и кои се подготвени да се жртвуваат за другите, а таа особина ја имаат запишано во генетскиот код кој го наследиле од претците.

Значи, кога следниот пат некој ќе ви се допадне, а нема лузни, идеален телесен индекс, долги нозе... сигурно има „добри“ гени.