Секојдневно се среќаваме со парови во кои жената постојано паметува, а мажот само мочи и трае. Ви звучи познато? Вашиот дечко можеби ништо не кажува, но голема е веројатноста дека се поголемите фрустрации ќе ги собере во себе и еден ден едноставно ќе „пукне“. Подобрете ја својата врска и престанете да паметувате...

1. Сфатете дека тој е тука затоа што тој така одлучил

Вашиот дечко е со вас затоа што тоа го сака, но тој не е ваша сопственост и немате право кон него да се однесувате како што сакате. Колку порано го сфатите тоа, ќе престанете да го земате здраво за готово и постојано да му паметувате.

2. Не лечете ги своите фрустрации на него

Без обѕир на тоа колку сте нервозни поради неправедниот шеф или неуспешната диета, морате да сфатите дека вашиот дечко не е вреќа за удирање и ослободување од фрустрациите. Ако сте премногу нервозни за да се наоѓате со некој, убаво му објаснете во што е работата и одложете го состанокот за друг пат.

3. Прво размислете, па потоа кажете

Пред да тргнете да паметувате и критикувате, размислете за тоа што ќе го кажете. Дали е тоа вредно за расправање? Дали вашиот дечко ќе биде повреден од тоа што ќе го кажете? Ако сте уверени дека утре нема ни да се сеќавате за тоа околу што сакате да паметувате - не е вредно да го споменувате.

4. Пуштете го да има свои хобија и машки дружења

Една од најважните работи во врската е секоја страна да го задржи своето и затоа немојте да паметувате кога вашиот дечко сака да отиде на фудбал или на викенд со другарите. Исто така, и вие немојте да ги запоставувате своите пријателки и интереси.

5. Почнете да правите компромиси

Не, не сте вие секогаш во право и време е тоа да го сфатите. Научете да правите компромиси и ако два пати сте отишле на место кое вие сте го одбрале, следниот пат отидете таму каде што тој сака. Кога ќе увидите дека секоја страна има барем донекаде право и ќе престанете да бидете тврдоглави, ќе ја поправите комуникацијата со својот дечко што ќе доведе до посилна врска.