Милијардерот, кој минатата недела рекол дека ќе даде 100.000 долари на оно кој ќе застане гол пред амариканскиот претседател Барак Обама, оваа недела наградата ја зголемил на 1 милион долари, пренесува CNBC...

Милијардерот Алки Дејвид, кој е 45-то место на листата на најбогати во Велика Британија, ветил 1 милион долари на оној кој ќе успее да застане гол пред Обама со натписот "Battlecam" на градите, а во исто време и да извикува "Battlecam".

Шегата треба да биде запишана и прикачена на Battlecam - сајт каде што луѓето можат да качуваат видео материјали кој Дејвид ги користи како дел од својот бизнис со платена телевизија.

"Повеќето луѓе сметаа, дека 100.000 не се доволно за дрзкоста", рекол Дејвид пред cnbc.com. "Еден милион е одлично и го привлекува вниманието на многу луѓе. Навистина сакам да видам како тој предизвик се спроведува", рекол милијардерот.

Запрашан зошто го избрал Обама како жртва, милијардер објаснил дека изборот се должи на светската популарност на американскиот претседател.

"Немам ништо против него и навистина мислам дека е одличен човек. Тој едноставно е несоодветен претседател во несоодветно време", рекол Дејвид.