101 начин како да ја употребите венчаницата на поранешната жена...
Многу психолози им препорачуваат на разведените да пронајдат некое ново хоби по бракоразводните постапки, со цел подобро да се справат со стресот кој што следува. Еден американец чија сопруга го оставила после 12 години брак, бил посебно креативен во пронаоѓањето на хоби. Кевин Котер отворил блог во кој ќе опише и наведе 101 начин како да ја употреби венчаницата на бившата сопруга.
Креативниот Кевин до сега навел 23 многу занимливи начини со кои може да се употреби венчаницата, а тоа набрзо станало вистинска интернет сензација. Пропратен со текст и слика, покажал дека венчаницата може да се искористи како платно за слика, како страшило, черка, сад за мраз, јаже за спасување или како кучешки кревет.
Поранешната сопруга за ABC изјавила дека го оставила фустанот кога заминала, но подоцна се предомислила и побарала од Кевин да го сочува за нивната 9-годишна ќерка. Му посакала се најдобро на Кевин и му порачила да побара стручно советување, но тој и одговорил: "Овој проект ми е терапија".
