Музејот на изметот е отворен за јавноста во Велика Британија, кој претставува прв музеј што ги изложува фекалиите од сите живи битија - од лавови до човечко бебе...



„Националниот музеј на изметот“ го направиле членовите на уметничкото здружение „Еклстоун Џорџ“. Групата уметници направиле 20 светлечки сфери од смола за да ги прикажат различните видови на измет, а на подот и по ѕидовите на музејот има WC шољи и школки на кои пишува интересни податоци за изметот.

Во музејот може да се видат и фосилни остатоци од измет, стари и до 140 милиони години. Најџел Џорџ, еден од кустосите на оваа изложба, вели дека предизвикува големо внимение и бурни реакции.

„За повеќето луѓе изметот предизвикува гадење, но за мал број како и нас, е фасцинантно“, вели Џорџ, кој додава дека ова го има насекаде околу нас, само што го игнорираме.