Фудбалерот на Реал Мадрид во очи на приемот на наградата во Мадрид од рака на шпанската кралица Софија се ослободи од гумата за џвакање од устата - директно во џебот на скапиот косум.

Кристијано Роналдо на приемот во Мадрид е избран за најдобар спортист од земјите со шпанско и португалско говорно подрачје.

Фудаблерот на Реал Мадрид пред примањето на наградата од рака на шпанската кралица Софија упадливо џвакаше гума за џвакање. Двајца луѓе од организацијата го предупредија дека треба да се ослободи од гумата за џвакање, што тој го стори непосредно пред врачување на признанието. Гумата за џвакање ја стави на сигурно - во левиот џеб од скапиот костум.

Португалецот мислеше дека тоа го направи незабележиво, меѓутоа речиси сите телевизиски камери кои биле присутни на приемот го забележале тој момент.

Ако му е некаква утеха на Роналдо, кралицата Софија ништо не забележа.