Едвај се опоравивме од песната Friday, а еве нова американска „млада надеж“. Наместо микрофон - батак од мисирка.

Симпатично девојче кое пее, разиграни другарки и семејство, шарен спот, наводно заразна мелодија... Своевремено овој рецепт од девојчиња како Бритни Спирс и Кристина Агилера направи светски мегаѕвезди, но за Ребека Блек не профункционира - прогласена е за најлоша пејачка на светот.

Ребека сега доби наследничка. Никол Вестбрук ја пее It's Thanksgiving, песна на Патрис Вилсон, автор на песната Friday. Пече Никол мисирка, ужива со другарките, пее, малку и рапува и да, тоа е батак од мисирка што го држи наместо микрофон.

Кич спотот за само пет дена доби речиси исто толку милиони прегледи на сајтот YouTube, а интернет заедницата веќе Никол ја прогласи за полоша од Ребека. Сиротата Блек веќе стана мерило за лош квалитет на интернет, па така постои и средновековен рапер кој е полош од неа, како и две девојки кои пејат колку е тешко да се биде секси.

Слушнете.