Припадничките на понежниот пол отсекогаш биле инспирација за мажите, предизвикуваат внимание и остануваат таинствени. Жените некои ги нарекуваат уште и посилен пол, но зошто?

Затоа што полесно се борат против вируси и било каква болка, посилни се, поживи, подолговечни се, и мултифункционални се, притоа не губејќи го фокусот од тоа што го прават.

Мажите отсекогаш клечат пред нив кога ги запросуваат, им ја отвараат вратата, а овие умешно ги користат овие нешта, поправајќи ја шминката во тоалет кога сакаат да се задржат намерно или да си заминат порано оти „ги боли глава“, или пак да заплачат, без да им се замери. Мажите се „силни“ и не смеат да плачат. Што е сега според вас подобро да се биде?