Владеењето на Водолијата почна денеска, а со преминувањето на Сонцето од Јарец во Водолија...

...почнува периодот на експериментирање и идеализам, затоа што новиот владетел на знакот е интелектуалец, мислител, научник и општествен активист.

Водолиите од една страна може да бидат срамежливи и мирни, од друга страна ексцентрични и енергични. Секогаш се длабоки мислители и сакаат да им помагаат на луѓето. Тие може да видат без предрасуди, да бидат од двете страни, затоа се многу објективни.

Секогаш го сакаат најдобриот резултат, а Уран, владејачката планета на Водолијата, има агресивна природа, која им дава визионерски квалитети на овие знаци, што значи дека се во состојба да проникнат во иднината и да знаат точно што ќе прават за пет или десет години. Уран им ја дава моќта за брза трансформација. Водолијата е симбол за чувар на вода, водата што ги лекува луѓето, билките и животните и обезбедува да се продолжи животот.

Најголем проблем за нив е кога ќе се почувствуваат ограничени. Интелектуалната стимулација е најголемиот афродизијак за Водолијата.