Главната мерна единица за маса е килограм, така знаевме досега и учевме на училиште...

Еден килограм е масата на меѓународниот прототип (еталон) за килограм, но тоа ќе се промени на 20 мај, 2019 година.

Комисијата за единици мерки при Интернационалниот систем на мерни единици, даде согласност за килограмот да биде дефиниран со параметри од природата, со помош на Планковата константа. Планковата константа е корелација меѓу енергијата на фотоните, масата и нивната фреквенција. Новата дефиниција за килограм добива смисла кога инструментите кои ја мереа константата се поклопуваат со усвоената дефиниција за килограм.

На тој начин килограмот ќе станува единица мерка зависна од времето и должината, а со тоа ќе се елиминира прототипот од платинум произведен во 1889 година, кој се чува во Париз.