Земјите со најдобар рејтинг во светот...

Финансиската стабилност и географската големина секогаш влијаат врз рејтингот на земјите низ светот, а годинава главни индикатори во истражувањето се преубавите пејзажи, пријателски настроените граѓани и нивото на етнички политики.

Институтот за репутација објави список на земји со највисок рејтинг, при што биле интервјуирани над 58.000 луѓе од Канада, Франција, Германија, Италија, Јапонија, Русија, Велика Британија и во САД. На списокот има 55 држави од светот.

Шведска се искачи за 2 места погоре, оваа година е на првото место. На скандинавската земја не ѝ e прв пат со највисоката репутација во светот, затоа што на истата позиција беше и во 2016 година. Таа е синоним исто така и за гостопримство, а за целокупниот впечаток придонесува и поддршката за ЛГБТ заедницата.

На второ место е Финска, а потоа се Швајцарија и Норвешка. Земјите со најнизок рејтинг се Нигерија, Иран и Ирак.