Емоционалната интелигенција е способноста да ги перцепираме, контролираме и проценуваме своите чувства и чувствата на луѓето околу нас. Таа може да се открие, да ни биде вродена, а може и да ја развиваме, односно да ја зголемиме свеста за неа и така да ја зголемиме сопствената емоционална интелигенција.

Таа е многу помоќна отколку рационалната интелигенција. Како да ја препознаеме? На пример, луѓето со емоционална интелигенција не дозволуваат нивните чувства да поминат незапазено. Свеста е една од главните одлики на луѓето со висок коефициент на емоционална интелигенција. Тоа значи дека овој тип на луѓе разбираат како нивните чувства влијаат врз нив и на луѓето што ги опкружуваат. Не дозволуваат на чувствата да им излезат од контрола и не ги игнорираат. Можеби повеќе размислуваат со срцето отколку со главата, но тоа ги прави чувствителни на своите и на чувствата на другите луѓе.