Што значи да се биде бизнис ангел...

Бизнис ангелите се докажани претприемачи, сопственици на успешни компании, коишто сакаат да инвестираат во бизниси. Се разбира, тоа значи учество во сопствеништвото и враќање на нивните инвестиции подоцна, што е сериозна заработувачка.

Бизнис ангелите финансираат и некои идеи за кои постои ризик да останат без своите пари. Бизнис ангелите се и луѓе кои сакаат деловно да се активираат, со активно учество во реализацијата на проектот во којшто вложуваат или како советници на менаџментот.

Така CEED Македонија со големо задоволство ве поканува најавувајќи го дводневниот настан со Арон Браун, бизнис ангел од Швајцарскиот клуб на Бизнис Ангели (BAS), кој ќе се одржи од 12 до 13 март. Настанот ќе вклучува специјализирана обука за бизнис ангели, како и пичинг на бизнис идеи. Активностите ќе се одржат во просториите на CEED Македонија и CEED Hub Скопје.