Светилникот Херкулес (Torre de Hercules) е стар речиси 2.000 години, се наоѓа во Шпанија и функционира нормално...



Во 18 век светилникот бил реставриран од Еустаки Данини, а датира уште од времето на римското царство. Оваа градба е одлично зачувана и претставува уникатен архитектонски споменик од големата империја.

Изградбата на светилникот започнала од почетокот на вториот век, по што Римјаните ја освоиле Галиција. Креаторот на кулата бил архитектот Кај Сервии Лупо, а во подножјето на светилникот е зачуван натписот, каде пишува дека зградата е подигната во чест на Марс. Тој е висок 55 метри и од него се простира прекрасна глетка кон северноатлантскиот брег на Шпанија.

Светилникот е втор по височина во Шпанија, а годишно го посетуваат по 150.000 туристи.