Монопол е омилената игра на луѓето генерално...



Затоа ви нудиме совет како да победите во Монопол доколку ја играте. Овде не станува збор за среќа. Филип Орбејнс од Австралија е експерт во монопол, а поради одличното познавање на оваа друштвена игра, многу бизнис школи ги бараат неговите совети.

Човекот ги знае сите можни трикови, а според неговите зборови, постојат четири трикови што се неопходни за победа во Монопол. Првиот е да го купите секое земјиште на кое што ќе застанете, а тоа се прави со цел да имате материјал за размена подоцна во текот на играта, поточно со цел да го добиете она што навистина го барате во моментот.

Втор совет на Филип е ако одите во затвор во рана фаза, задолжително платете за да излезете веднаш и да продолжите со купување на земја. Ако подоцна во играта се најдете во затвор, останете таму, затоа што помала е шансата дека ќе останете на некое поле за кое треба да му платите на противникот.

Трет совет е задолжително да купувате портокалови, жолти и црвени полиња, затоа што се наоѓаат веднаш до затворите, па така е голема веројатноста противникот да застане на некое од нив.

Последниот совет е да купувате што поголем број на куќи побрзо, независно дали станува збор за евтино или скапо земјиште.