Добро е да се има самодоверба со цел да ги оствариме животните желби, но може и да го лажираме...



Дури и да го лажираме со говорот на тело, лека полека ќе ни премине во нашите навики, затоа што телото говори како се чувствуваме одвнатре. Ако имате бизнис презентација или некој состанок, вака треба да се однесувате за да оставите впечаток на висока самодоверба:

1. Опуштете го лицето - собраните веѓи, стиснатите заби и спуштената брада се знак за недостаток од самодоверба, а плиткото дишење е знак дека сте нервозни. Наместо тоа, длабоко вдишете и омекнете ги вашите фацијални екстресии.

2. Исправете се - лицата без самодоверба одат подгрбавено, а рамењата им се исфрлени напред. Се подгрбуваме несвесно со желба да бидеме помали и да не не забележуваат. Исправете се, а дланките спуштете ги надолу. Држењето на телото исправено е првата работа што ја забележуваме. Тоа ни овозможува и примање на повеќе кислород во мозокот, што не прави поенергични и здрави.

3. Насмевнете се - насмевката значи самодоверба и не прави попривлечни.

4. Наведнете ја главата - наведенете ја главата на левата страна и горниот дел од телото навалете го кон лицето што сакате да го заведете, ако сакате да покажете дека имате самодоверба и сте атрактивни, а одржувајте и контакт со очите. Од друга страна, со наведнувањето на главата кон десно му сигнализира на соговорникот дека може да ви верува.