Во едно училиште во Јапонија децата ги чистат своите училници и притоа се забавуваат...

Ова ретко се гледа. Всушност, се работи за проект по име “o-соџи”, кој учениците го практикуваат секој ден.

„Добро е да се чисти за себе, бидејќи тоа е сепак наш простор“, вели едно мало девојче.

Малите велат дека се среќни кога просторот е чист. Учениците дури и си сервираат ручек едни на други, а потоа повторно чистат. Имаат метли и крпи, со кои училиштето го прават гланц чисто.

„Сето ова им помага на децата да изградат самодоверба, така што ова е некоја вежба што сакаме да ја одржуваме“, вели учителката од училиштето.