Благодарение на интернет, можеме да најдеме доволно совети, дури и премногу. Најчестиот совет што ќе го слушнете за да бидете среќни е „мора да го сакате она што го работите“. Тоа е вистина, иако постојат тука и многу дилеми. Безброј пати сте се нашле во ваква ситуација, но време е да расчистите со себе и да си поставите неколку трик прашања.
На пример, со цел да откриете што е вашата страст е да се прашате што би работеле за без пари? Што ви прави мерак? Со што сте опседнати? Кон што имате позитивен став во животот? Што ви пречи во општеството и сакате да го подобрите?
Ако сте песимисти и мислите дека ништо нема да ви успее, ќе мора да го промените прво начинот на размислување. Верувајте, секој недостаток што го согледувате вие во однос на пазарот и сите бизниси што постојат во вашата околина, гледајте го како можност, а не како нешто негативно. Ако недостасува добра услуга во одреден сектор, или пак нешто што нема, вие сте тука за да го обезбедите тоа. Што чекате? Фрлете се на работа.
Секогаш се прават грешки, но без гајле, вие сте тука за да учите и да станувате помудри. Внимавајте на сликата погоре - вашиот бизнис треба да биде во заеднички интерес со потребите на клиентите. Или пак, не мора да значи, може и вие да создадете потреби на луѓето, со што ќе им го олесните животот, а тоа е иновацијата.
Автор: Александар Младеновски
