Американецот Глен Бергер направил големо богатство ловејќи топчиња за голф...



Останувајќи без работа, Бергер пред 14 години дошол до генијална идеја, што му овозможила да стане милионер - да ги собира голф топките што играчите ги фрлаат во езерцето близу до неговата куќа во Флорида. Подоцна ја проширил својата активност на цела територија во Америка.

„Наоѓав парчиња од мебел, колички за голф, косачки, но се сретнав и со безброј алигатори“, изјавил Бергер.

Според сопствените проценки годишно собира од 1,3 до 1,7 милиони топчиња, односно 4.000 дневно. Откако ќе ги исчисти топките, Бергер ги продава за 1 долар по парче. На тој начин заработил 15 милиони долари од 2001 година, па наваму.