Влезот на овој „сеф“ е направен од бетон со специфичен украс на врвот...



За да се дојде до местото каде што се чува семето, мора да поминете низ тунелот со должина од 120 метри. На Арктикот, поточно во арктичкиот архипелат Свалбард, регионот меѓу Норвешка и Северниот пол, се чуваат големи количини на семиња во случај на апокалипса, природни катастрофи, или војни, со цел да се спаси видот на нашата планета.



„Засолништето е изградено со цел да може човештвото да преживее. Тоа е свето место каде застанувате и убаво размислувате“, вели Мајкл Кох, еден од одговорните за одржувањето и функционирањето на овој објект.