Многу фактори зависат од тоа колку често одите во тоалет, а најмногу од капацитетот на мочниот меур, односно бешиката...



Ако пиете повеќе течности, нормално е дека ќе имате поголема потреба за да исфрлувате течности од телото. Сигурно сте забележале дека има луѓе што не одат во тоалет по цел ден и оние што одат на секои пет минути? Тоа значи дека постојат индивидуални разлики во капацитетот на бешиката.

Мочниот меур е орган што изгледа како ќеса, кој служи како резервоар за урината. Тој има облик на круша и во него има три дела: врв (apex vesicae) - свртен напред, тело (corpus vesicae) - поставено на средина и база или дно (fundus vesicae) - кое гледа назад.

Функционалниот капацитет на бешиката изнесува 350 см3, односно 0.35 литри, но може да собере најмногу 0.7 литри кај мажите или 0.65 литри кај жените. Меѓутоа, постојат и патолошки случаи каде бешиката достигнува и капацитет од дури 2 литри.