Волтер Ченг заштедил доволно пари за да ги оствари своите соништа, а сега сака да го сподели своето искуство со цел свет...



Фотографот од Њујорк долго размислувал за тоа дека би било фантастично да патува низ цел свет, т.е. да посети колку што може повеќе земји. Ова му изгледало како невозможна мисија, но Ченг почнал да штеди пари, а кога собрал доволно, дал отказ од работа и тргнал. Штедел 2.5 години и со 20.000 американски долари поминал година дена на пат. Како што самиот Ченг открива, годината се претворила во две, двете години во три... На крај, патувал низ 60 светски земји, каде поминал низ се и сешто, откако тргнал на 13 септември 2011 година. Во Чиле го ограбиле, останал без ништо, во Намибија за малку ќе загинел, но на крај се добро се завршило и Волте Ченг имал незаборавно тригодишно патување.

Илјадници фотографии, од кои секоја со своја приказна - Волтер сега сака да ја сподели својата приказна со сите што имаат ист сон и оние што сакаат да ја прочитаат неговата приказна. На Kickstarter креирал кампања "We Call This Home", а неговата цел е да собере 24 илјада американски долари за да испечати книга. Целиот попис на земји што ги посетил Ченг се на овој линк, а за повеќе детали имате овде. Поддржете го неговиот проект, навистина вреди.