Во летната сезона лубеницата е составен дел од буквално секоја трпеза...



При купувањето може лесно да станеме жртва на трговците, веројатноста е голема да ни продадат незрела лубеница и потоа да се разочараме кога ќе ја пресечеме на масата. За да не се случи тоа, еве како да ја препознаете:

1. Шарите на лубеницата ја демонстрираат нејзината старост, затоа секогаш одбирајте ја онаа со посветли шари - тие се позрели. Освен тоа, страната каде лежала лубеницата треба да биде со жолта боја, затоа што белата или светлозелената боја е знак дека е незрела.

2. Обрнете внимание на тежината на лубеницата. Ако е многу лесна во споредба со големината, значи дека е сува и нема доволно сок.

3. Ако лубеницата има петелка, тоа значи дека е свежа.

4. Звукот на сочната лубеница треба да биде ѕвонест, затоа земете ја во раце и со прстот чукнете ја од сите страни. Ако звукот е тупав, не купувајте ја.