Тоа не е толку трагично, бидејќи вистинскиот "руски рулет" е многу повеќе страшен...



Новата игра со пиштоли станала популарна во Русија, но наместо куршуми, во пиштолите има електрошокер за зашеметување.

Играта и "алатката" ги смислил поранешниот натпреварувач во боречки вештини, Валериј Есченко, кој се пензионирал откако се здобил со ретко нервно пореметување, поради што паднал во кома и бил парализиран.

Откако се разбудил од кома, почнал да размислува за новата игра, ја патентирал како интелектуална сопственост, собрал опрема и ја направил. Играта набрзо станала многу популарна во неговиот роден град Перм во Русија.

Играта користи пневматски пиштол на гас, произведен во Кина. Играчот што добива шок се смета за "убиен". Принципот на игра е слична како и кај рускиот рулет.

„Чувството е неверојатно додека чекате да почувствувате електричен шок или пак ќе ја имате среќата. Кога ќе го удри играчот електричен шок, тој чувствува непријатност и болка, а мускулите му се грчат. Ова е знак дека играчот е убиен“, изјавил Есченко.