Често може да се случи да изгубиме чувство за време во тек на разговор и да зборуваме до тој степен што на нашите соговорници ќе им стане досадно, бидејќи немаат можност за одговор...



За да имате добра репутација кај луѓето општо, треба да научите кога е време за пауза.

Луѓето може да зборуваат премногу и се однесуваат така поради многу причини. Некои сакаат само да ги импресионираат своите соговорници, а други едноставно немаат чувство за време и не сфаќаат колку долго зборуваат. Ако некогаш изгубите контрола и долго зборувате, ќе си помогнете со таканаречените "семафор" правила, кои укажуваат на вниманието на соговорникот за време од една минута.

Зелено светло - во периодот од првите 20 секунди на зборувањето, го имате сето внимание на соговорникот, се додека е важно она за што зборувате.

Жолто светло - во следните 20 секунди се зголемува можноста за губење на интересот кај соговорникот, ако премногу опширно објаснувате или скренувате од темата.

Црвено светло - последните 20 секунди треба да му дозволите на соговорникот да се вклучи во разговорот со свои коментари.

Ако дури после една минута му дадете шанса на соговорникот да ви одговори, тогаш сте вистински брборко. Вештите разговарачи може целосно да го задржат вниманието на соговорникот со временски интервали, но затоа на оние што не се јаки на зборови им се заканува опасност да бидат малку досадни.