Британецот Филип Данинг освоил речиси 8.000.000 фунти (11 милиони евра) на лотарија...



„Симпатично“, бил неговиот коментар, кога претставникот на лотаријата му рекол колкав износ добил.

44-годишниот работник во прехранбена индустрија Данинг, признава дека останал без зборови кога му се јавиле да му ја соопштат веста.

„Тоа е... нереално. Тоа е единствениот збор со кој можам да ја опишам ситуацијата. Се изгледа како сон“, рекол таткото на двете деца.

Веста дека е добитник, му јавила најдобрата пријателка на неговата партнерка Џина, која секој ден ги проверувала броевите што ги заокружувале.

„Вклучи го телевизорот, си освоил џекпот“, му рекла возбудено Сандра Истон.

Данинг прво ја повикал лотаријата за да провери дали навистина е победник, а следниот ден, како и секој друг, се појавил на работа во 4 часот наутро, но овој пат дошол да даде отказ. Истото го направила и неговата партнерка, која работи во истата компанија, пишува Daily Mail.

„Го чував моето листе во паричникот и цело време проверував дали е се уште таму“, рекол Данинг.

Со освоените пари рекол дека ќе купи нова куќа, а стариот автомобил ќе го замени со Астон Мартин.

Погледнете ја неговата реакција кога дознал дека добил на лото: