Ребека Грегори (27) е тешко повредена со бомбашки напад на маратон во Бостон, Америка, во 2013 година...



Оваа година се вратила повторно на маратон. Во моментот на нападот во 2013 година, Ребека била со тогашниот дечко и синот. Откако сведочела во случајот против Џохар Карнајев, главниот осомничен за тој напад, таа си дала завет дека повторно ќе трча на маратонот.



Ребека имала дури 17 операции на повредената нога. Обидите на лекарите да ја спасат нејзината нога не успеале. Грегори одлучила сепак да си ампутира нога минатата година и така почнала да трча со протезата на ногата. Минатата недела, пред маратонот, лекарите и рекле дека ќе ја повреди ногата ако го истрча цел маратон.



Затоа одлучила да стартува на последната етапа и за време на трката да помине низ местото каде пред две години мислела дека ќе умре. Пред трката на својот Фејсбук профил објавила фотографија на која напишала „Ова е денот кога го земам својот живот назад“.