Фотографијата е сликана на метро станицата во Бразил, која за кратко време станала популарна низ цел свет после објавувањето на интернет...



Нелсон Филипе го сликал ова, каде се гледаат две девојки како се прегрнуваат на станица додека чекаат воз, а околу нив се наоѓаат и други патници.

Неговиот статус за сликата ги воодушевил луѓето, иако од прв поглед не изгледа добронамерен:

„Не страдам од предрасуди. Сметам дека луѓето треба да го живеат животот онака како што сметаат дека треба. Мислам дека е апсурдно што мора да присуствувам на ваква сцена. Она што луѓето го прават приватно, е нивна работа, но да, она што го прават во јавност, е моја работа. Одбивам да бидат прифатени вакви сцени како нормални. Оваа глетка ги поместува општествените норми и може да бидат опасни. Што ако се случи некоја трагедија, или уште полошо, ако умре некој, кој да се обвини? Што би било ако некое дете види некоја ваква сцена? Децата ќе помислат дека е нормално да чекаат воз додека стојат на жолтата линија. Затоа, не се однесувајте како момчето од фотографијата, следете го примерот на овие девојки“, напишал Филипе.