„To’ak“ е најскапото чоколадо на светот, 42 грама од овој неодолив десерт, чинат само 245 евра...



Кога ќе го вкусите, заборавате на се, па дури и на парите што сте ги платиле за тоа чоколадно задоволство. Составот на чоколадото „To’ak“ ветува многу, 81% се состои од какао, 19% од органски кафеав шеќер.

Неодоливиот десерт се произведува на плантажите во Еквадор. Основачот на компанијата, Џери Тот, не сака луѓето да уживаат кратко и периодично во неговите производи.



„Една од работите што сакаме да ги направиме е да го продолжиме тоа искуство и луѓето да го гледаат чоколадото како шише одлично вино“, изјавил Тот.

Со чоколадото оди комплет и специјално пакување - кутија изработена од шпанското дрво брест, дрво кое е задолжено и за ферментација на зрната од какао.  

Во пакетот задоволство има и дрвени стапчиња за јадење, бидејќи маснотиите на прстите го расипуваат вкусот на десертот.