„Содржината е клуч за се“, заклучено е на третиот „Marketing Kingdom“ настан во Белград...



Минатиот четврток и петок, Белград беше домаќин на уште еден „Marketing Kingdom“ настан, маркетиншка конференција, која доведува голем број на влијателни предавачи и компании.

Во третото белградско издание на „Marketing Kingdom“ гостувале делегати од 92 компании од регионот и за два дена заклучиле дека содржината е клучен фактор на патот кон успехот кај социјалните медиуми.

„Содржината е клучен фактор во светот, во кој брзиот живо стана секојдневие. Нам мисијата ни е да креираме содржина кроена по мерка на потрошувачите, кои истовремено ќе бидат ангажирани и ќе ги понудат вистинските информации во вистинското време“, истакнал Стефан Руебке, генералниот менаџер на „Henkel Beauty Care“.

Од „Unilever“ ја истакнуваат важноста на идејата, корпорациите да соработуваат со старт-ап заедницата, бидејќи токму тие компании може да им обезбедат технологија на компаниите, која ќе го подобри целокупното потрошувачко искуство.