Џек Ма денес тежи повеќе од 20 милијарди долари, најмногу благодарение на Alibaba, или "кинескиот eBay", со кој секој ден има околу еден милион корисници и купувачи...



Некои медиуми го нарекуваат како еден од најуспешните претприемачи во светот. Тој во неодамнешното интервју за Блумберг зборувал за својата младост и периодот пред отворањето на Alibaba, за чие време паднал три пати на приемниот испит за колеџ. Потоа поднесувал голем број на барања за работа, но никој не би го вработил - барал работа во полиција, но му било кажано дека "не е доволно добар", а една од најтешките ситуации била кога ќе се регистрира на KFC. Кога отворила оваа компанија ресторан во неговиот град, се пријавиле 24 лица за работа, од кои само 23 лица добиле работа - "јас бев единствен (кој не доби работа)", изјавил Ма.

Кога ја основал Alibaba, на почетокот сакал само да преживее, при што се соочувал со многу проблеми, а компанијата во првите три години немала профит. Еден од проблемите бил платежниот систем, бидејќи немало банка што сака да соработува со нив - затоа започнал своја сопствена програма за наплата - Alipay. Коментарите во врска со Alipay не биле оптимистични и сите му велеле дека Alipay е "најглупавата идеја што може да постои“.

Но, сè што му било нему важно, е луѓето да го користат овој систем на наплата и да се извршуваат трансакции со Alipay на Alibaba. Со текот на времето ова станало многу популарно и денес го користат околу 800 милиони луѓе - што воопшто не е лошо како за "глупава идеја". Што се однесува до иднината, тој сака Alibaba да стане популарен и надвор од границите на Кина и се надева дека бројот на корисниците ќе надмине две милијарди.