Дала отказ на работа, го земала фотоапаратот во раце и посетила 37 земји, при што го создала „Атласот на убавината“...



Пред две години Михаела Норок (29) од Романија, дала отказ на работа, го земала фотоапаратот и одлучила да започне нов живот. Таа го обиколила светот во потрага по убавина, која ја овековечила со својот објектив и така настанал „Атласот на убавината“.



„Одделив многу скромен буџет за својот проект и посетив 37 земји. Сакав да ја фотографирам природната убавина на жените во нивното автентично опкружување и да претставам дел од нивната култура. Апсолутно сум уверена дека убавината е насекаде, во секој дел на светот“, објаснила Михаела.



„Нејсе, убавината лежи во окото на набљудувачот и сите сме убави токму поради разликувањето. Ќе продолжам да го полнам Атласот на убавината, со желба да му ја објаснам различноста на општеството и да ги инспирирам луѓето да ја задржат својата автентичност“, додава Михаела Норок.