Стефан Илиќ (10) од Војново, Србија, има Божји дар, тврдат неговите родители...



Рацете на Стефан може да излекуваат болки, а неговото тело привлекува различни предмети како вистински магнет. Неговото тело привлекува различни мобилни телефони, лажици, вилушки, тенџериња, порцелански чинии, итн.

Несекојдневната способност на Стефан ја откриле неговите родители во ноември 2014 година, но мислат дека ја поседува уште од раѓање. Во неговото семејство, тој дар го има и неговата баба, од страната на мајка му.

„Докторите немаат никакво објаснување за Стефан. Само велат дека нема никаква болест и дека тоа не му наштетува. Во контакт сме со многу биоенергетичари. Тие велат дека мојот син има многу голема енергија“, вели мајката на детето, Санела Илиќ.

Малиот нема сериозни проблеми поради своите моќи, освен што дланките секогаш му се жешки и ако не ја троши својата енергија редовно, станува многу нервозен, па мора да трча, а му се случува и да поврати.

Кликнете на овој линк за да го погледнете видеото каде Стефан ги „магнетизира“ предметите и му застануваат на телото.



„Излекува различни болки. Навистина е неверојатен. На пример, кога на некој го болеше раката, тој ги ставаше само неговите дланки и болката исчезнуваше за три минути. Ни доаѓаа од соседството понекогаш и ја бараа неговата помош, но маж ми е против тоа детето да се оптеретува премногу со тоа, бидејќи е се уште мал“, додава Санела.

Стефан има среќно детство, посветен е целосно во училиштето и е најдобар ученик во одделението, за што придонесува неговата натпросечна интелигенција, тврди неговата мајка. Малиот живее со неговите родители и со браќата близнаци (4).