Речиси секој ден се појавуваат нови стартап компании, кои велат дека ќе го „променат светот“...



Повеќе не не воодушевуваат тие реченици, затоа што сфаќаме дека лидерите на овие новородени компании не ги знаат најважните нешта. Одлично е тоа што се раѓаат нови фирми, но добро е да се поучиме околу одредени нешта.

Од досегашното искуство слушнавме многу приказни, а забележавме само малку акција. Најголемиот проблем со кој се соочуваат фирмите се финансиите. Треба фирмите да бидат свесни дека кога бараат инвеститори, истите бараат веќе сработени работи, да имате неколку клиенти кои ви ја плаќаат услугата, односно дека веќе сте тргнале и одите по некој пат и решавате некој проблем.

Ако не генерирате одредена сума на пари, тогаш мора да имате готовина од претходно, бидејќи вработените бараат пари, парите се тие што ги задржуваат луѓето. Ако немате пари, нема да стигнете далеку и вашата идеја ќе биде закопана под земја за многу брзо време.